Martyrologium - Kalenda - In Vigilia Nativitatis Domini (MMXXII) Natale del Signore - Santa Messa della Notte Basilica Vaticana, 24 Dicembre 2022 Solemnity of the Lord's Birth - Midnight Mass Vatican Basilica, 24 December 2022 Nativité du Seigneur – Messe de la nuit de Noël Basilique Siant-Pierre, 24 Décembre 2022 Natal do Senhor - Santa Missa da Noite Basílica Vaticana, 24 Dezembro 2022 Santa Misa de Nochebuena y Natividad del Señor Basílica de San Pedro, 24 Diciembre 2022 Christmette am Hochfest der Geburt des Herrn Petersdom, 24 Dezember 2022 Text: Octavo Kalendas ianuarii. Luna secunda. Innumeris transactis sæculis a creatione mundi, quando in principio Deus creavit cælum et terram et hominem formavit ad imaginem suam; permultis etiam sæculis, ex quo post diluvium Altissimus in nubibus arcum posuerat, signum fœderis et pacis; a migratione Abrahæ, patris nostri in fide, de Ur Chaldæorum sæculo vigesimo primo; ab egressu populi Israël de Ægypto, Moyse duce, sæculo decimo tertio; ab unctione David in regem, anno circiter millesimo; hebdomada sexagesima quinta, iuxta Danielis prophetiam; Olympiade centesima nonagesima quarta; ab Urbe condita anno septingentesimo quinquagesimo secundo; anno imperii Cæsaris Octaviani Augusti quadragesimo secundo; toto Orbe in pace composito, Iesus Christus, æternus Deus æternique Patris Filius, mundum volens adventu suo piissimo consecrare, de Spiritu Sancto conceptus, novemque post conceptionem decursis mensibus, in Bethlehem Iudæ nascitur ex Maria Virgine factus homo: Nativitas Domini nostri Iesu Christi secundum carnem.